ماما يا حلوة يا أجمل غنوة .. عايشة ف قلبى و جوة كيانى
غالية عليا و ضى عينيا .. يا أول كلمة نطقها لسانى
على فكرة انا مش فاكرة ايه أول كلمة نطقها لسانى بصراحة .. ممكن تكون ماما فعلا .. أو بابا ... أو ستو ... أو يمكن كلمة لا تمت للكلمات دى بصلة
و ممكن لو حاولت أسأل ماما تتحايل عليا و تقولى طبعا قولتى ماما أول كلمة .. أو ممكن و ده اللى أكيد أنها تقولى مش فاكرة .. و لا تقولى بطلى هبل .. ولا شوفيلك حاجة مفيدة تعمليها .. و تبتدى تندب حظها و تسأل ربنا و تقوله ليه يا رب رزقتنى بطفلة متخلفة زى دى .. تلك الكلمات المعتادة اللى ماما دايما بتقولهالى
بس قلت برضه الست بتتعب و بتعانى كتيير معايا طول السنة .. و مع أنى كنت طول النهار بره .. و برضه عشان محدش يتهمنى بالجحود و الألفاظ الغريبة اللى بتتقال فى المواقف المشابهه .. فهى أصلا مكنتش فى البلد كلها و كانت فى مصر
الحمدلله ربنا كرمنى بفلوس و كانت امى بصراحة .. و الحق يقال .. كانت واحشانى جدا .. حيث كان بقالى ف حدود اربعة و عشرين ساعة مش لاقية حد أغلس عليه و لا لاقية حد بيشتمنى
واحقاقا للحق برضه .. عميقة الجملة دى ... أمى دى ست عظيمة .. و أمثالى لازم لهم أم زى دى عشان يعرف يشكمهم .. مع انى كتير بتضايق منها و من اللى بتعمله فيا .. بس لو خيرونى بين كل امهات الدنيا و امى اكيد هارجع اختارها هى تانى
فالحمدلله ربنا كرمنى و عيدت عليها و طبعت قبلة من أعماق قلبى على ايديها و اديتها ثمن لب أسمر هدية عيد الأم تقعد تأزأزة و هى بتتفرج على روتانا سينما
2 comments:
كل سنة وانت ومامتك بخير ومبسوطيت ومتسليين باللب الاسمر وروتانا سينما
mercii :)))
w kol sana w kol elmahmahat mabsouteen dayaman :))
Post a Comment