من غير مقدمات كتير او حتى قليلة .. انا مش ف صف الرجل ولا فى صف المراة .. أنا بس بحاول أفهم العلاقة .. بحاول أكون بره الصندوق و لكن لن أخفى تحيزى للمرأة بالتأكيد .. و هابقى بكدب اوى لو قلت انى هابقى محايدة
كان أنيس منصور قال زمان .. فيما معناه .. ان الست عشان تعرف تتعامل مع كل الرجال اللى على وجه الأرض ممكن تتعرف على واحد بس و هاتفهم عقليته و تفكيره و أسلوب حياته هاتعرف ان كل الرجال بيعملوا نفس الحاجات دى
إنما لو راجل اتعرف على بنات حوا كلهم .. عمره ما هايفهم أى ست عايزة ايه او يتوقع رد فعلها
و انا .. بصفتى المتواضعة .. أحب اقول .. ان العكس صحيح .. او على أقل تقدير الاتنين متشابهين لحد بعيد اوى
هو بصراحة كل الناس بقت قادرة و مفترية .. البنات و الستات عجبتهم حكاية حرية المراة و المساواة .. و الراجل مستمع بحكاية برضه انه مقهور بس من تحت لتحت بيمارس نفس ضغوطاته و تحكمات "سى السيد أحمد عبدالجواد " و الله يرحمه بقى نجيب محفوظ .. و يهدى كل مناصرى حقوق المراة
لو كل واحد رجع لطبيعته و عرف هو مخلوق لإيه .. الميزان هايرجع يتعدل تانى .. و لا الستات هاتبقى مجنونة ولا الرجالة مقهورة
8 comments:
المرءة ضلع اعوج .
طب انا عايزة كلام اكتر افهم منه وجهة نظرك لو تسمح
هوه ايه علاقة التناقض او التشابة بين رأيك و رأي انيس منصور؟؟؟
ولا حضرتك حاطاه و بتكملى باقى الموضوع عادى
سلام عليكِ
علااااااااااااا .. أنا قريت الموضوع قبل كده طبعا وما كنش عندي اللي أضيفه
انما هنا الوضع يختلف
تعليقي مش للموضوع في حد ذاته أنما عشان اقولك
الف حمدلله ع السلامه .. انا فرحان قوي بعودتك للمدونه تاااني بعد فتره غيبا ماكنتيش بطلتي فيها كتابه
فتنت عليك للمدونه .. أسطفلوا مع بعض بقي :))))
بالنسبه لنعكشه ..قصدي للأختلاف اللي بين رأي سي أنيس أفندي منصور وبين كلامك .. فطبعا طبعا طبعا .. كلامك صح جدا وواضح .. أن كان أنيس منصور شايف ان المراهبحورها غويطه ومحدش يقدر يفهمها علي عكس الرجل الغلبان اللي كلهم علي بعضهم نسخه "طلق الاصل" من بعضهم .. فأنت رأيك شرح انه مش طبيعه رجل ولا طبيعه عقل مرأه .. أنما مساله فهم خاطي لطبعه الرجل وطبعه المرأه هي اللي وصلتنا للي حاصل .. نموذج الرجل اللي أشرتي ليه بيتقال عليه -أسمحيلي _ "دهل" ..والمرأه _مش هاقول عشان سامحتيني في الدهل مش هاتسامحيني في دي بقي .. لا بقي كفايه كده دا انا قلت مش هاعلق زي ما انت قلتي بدون مقدمات
:P
نعكشة
بالنسبة لعلاقة اللى أنيس منصور قاله و بين اللى انا باقوله ان عايزة اقول من وجهة نظرى ان الكلام اللى قاله انيس منصور بالذات فى الجملة دى انا مش موافقة عليه الستات مش كلهم مجانين ولا الرجالة كلهم استنبة واحدة و دماغهم واحدة
و اعتقد انى قلت الكلام ده فى البوست
حويحى
الله يسلمك و شكرا على الكومنت الطويلة و شكرا انك فاهم :D
اوك
شكراً غلى التوضيح
سلام عليكِ
تسلم ايدك ويسلم مخك ويسلم كيبوردك
لو كل واحد منهم عرف طبيعة نفسه ونفسيته ماحدا اتعدى على حقوق حد ولا اضطرينا نطالب بحريه ونمنع كوارث اسريه لان صار فيه لخبطه ومافي حدا بيعرف دوره الاساسي في الحياه وبالنسبه لكلام انيس منصور فهو جدا مغلوط لان الاخوان اللي في بيت واحد من ام واب واحد نفسياتهم وطباعهم بتختلف ومستحيل يكون كل الرجال متل بعض
سوري انا كتبت كتير
:)
انتى نورتى المدونة :)
ابقى تعالى تانى بقى والنبى :))
Post a Comment