زمان لما كنت بابقى زهقانة و انا قاعدة لوحدى .. و جدتى مش بتعرف تلعب كوتشينة و ماما و بابا فى الشغل .. كنت باقعد على الارض و باتخيل حد بيلعب معايا .. و كنت بالعب معاه و بحاول دايما اكون حيادية .. ولا باجى على نفسى ولا باجى على نفسى .. ولكنى كنت باغش و اضحك على نفسى عشان انا اللى اكسب ...
دلوقتى لعبة الحياة .. برضه محتاجة اتنين يلعبوها .. و كتير بتخيل حد تانى معايا .. بس مش عارفة اعمل زى زمان و اقعد على الأرض و العب لوحدى .. محتاجة حد حقيقى يلعب معايا .. لعبة بجد .. لعبة الحياة و نكسب احنا الاتنين .. مش شرط حد فينا يكسب التانى .. احنا الاتنبن هانكسب فى النهاية
حد عايز يلعب معايا ؟؟
2 comments:
آه يا بنتي خديني فى يدك
عاوزة العب انا كمان
مش لازم اكسب
المهم ادخل جوة اللعبة
و اعمل حاجات مؤثرة
مش شرط اللى بيخسر يكون مقدمش حاجات
ومكسبش ادوار
المهم يكون فكر و عمل حاجات
على فكرة
كنت بعمل كدة انا كمان فى الكوتشينة
و الشطرنج كمان
وانا صغنتوتة
دلوقتي
ولا حتى بلعب مع نفسى
هههه
يلا خير
سلام عليكِ
كله على الله
:D
Post a Comment