بيقولوا .. اللى بيقولوا يعنى .. بيقولوا انى باكتب حاجات حلوة .. او اللى بافهمه انهم بيحبوا يقروا الحاجات اللى باكتبها .. و قال ايه .. بيقولوا كمان انى عندى اسلوب و مش عارف ايه .. و كمان مشوقة و اللى بيبتدى يقرا حاجة بيحب يكملها للأخر و بيتابعوا الاصدارات أولا بأول ... .... والله هما اللى بيقولوا مش انا
فى معجبين بقى متطورين من نوع مختلف شوية و قال اييييه بيشجعونى أكتب قصص طويلة و الكلام ده .. مش مجرد خواطر او مواقف ولا قصص قصيرة أو ما يطلقونه على كتاباتى المتواضعة
والله و الكلام بينى و بينكوا يعنى .. و زى مابيقولوا برضه و فعلا يعنى هما اللى بيقولوا .. الزن على الودان بيعمل عمايل وحشة فى الودان ... الفكرة شعشعت فى دماغى و حاولت و قلت اجرب .. هى جت على دى يعنى
قررت بقى و جبت ورقة و قلم و استعديت للكتابة .. قعدت اعصر دماغى على فكرة للقصة الطويلة دى .. و اعصر و اعصر و اعصر ... و كل ما تيجى على بالى فكرة .. ألاقيها فيلم اتفرجت عليه قبل كده .. و لا موقف حصل من حواليا فى يوم من الايام ... لاقيتنى يا اما هاسمع فيلم شفته او هاحكى على ولاد خالتى ولا ولاد عمتى ولا حد من اللى كانوا صحابى ولا بتاع من ده
رجعت فكرت تانى .. مانا مش هاخترع يعنى .. هى الحياة كلها كام قصة و بتكرر مع كل الاشخاص و فى كل الاماكن مهما كانت الظروف او الحياة
ادعولى بقى اعرف اكتبها و تبقى فيلم و امثله و اخرجه ..بس مش هانتجه .. انا مش معايا فلوس لكل ده
7 comments:
اكتر حاجه بحبها فى كتاباتك انها بسيطه اوى ومش مكعبله , عشان كده مش بلاقى كلام اعلق بيه :))
وحكاية القصص الطويله دى ابتدى بالقصيره وهى تكبر :))
جميل
رائع
كويس ... حلو
طب وبعدين يعني
أنتي حطيتي نفسك كده في ورطه
هتتطلعي أزاي يعني من الموضوع ده
أقولك انا يا ستي
يا أما تحاولي بجد مش علي سبيل الهزار يعني
أو أنك تكتبي قصة أنشاء المدونه دي
والناس اللي أنتي قابلتيها وحاجات كده يعني
المهم مطولش عليكي
ربنا يوفقك
تحياتي
nawart ya ahmad be awel comment 3ala el modwana leya :) w 2b2a 3ala2 wennaby w erfa3 men ro7y el ma3daneya :)
7akoudy .. fekra 7elwa w mmken a3melha .. bas lw 3ayez te3raf keset elmodwana hatla2iha fi awel post 5ales 3aleha ,,,, bas mmken hab2a a7kelko ba3d keda elkessa beltafsil elmomel isA :D
thank u guys :)
طب وهما اللي قالولك ما قالولكش تكتبي ايه في القصه الطويله ليه؟! .. اسلوبك حلو فعلا وجميل قوي .. واحلي ما فيه انه بسيط والكلام فيه مش معصور ولا مضروب ولا مطحون ولا مسبك .. لا خفيف ولذيذ .. لسه بدري علي القصه الطويله .. بس تاكدي انها هاتيجي لوحدها .. زي بستاتك دي ما بتيجي لوحدها
مش هي كده ولا اييييييييييييييييييه؟؟
:)
heya keda :)
كده المجاملات زادت اوى :)
دا اصرار علي اني مجامل ومش بقول كلام بجد وجديد بقي
دي اهانه تستوجب مقاطعه ابلوج لحد ما تنشري حاجه جديده
:))
l2 wennaby :D balash mo2at3a :D
di msh mogamla enta bettkalem begad w a72i2y gedannn :)
Post a Comment