عارف انا نفسى فى ايه ؟ انا نفسى ف بيت بيطل عليك
انا نفسى نفضل على طول سوا .. بتوحشنى دايما و انت بعيد و حتى لو شفتك كل يوم .. مش عايزة اسيبك ابدا
تبقى انت الشارع و الناس .. تبقى انت الصاحب و الجار
تبقى انت الشمساية اللى بتطلع كل نهار
انت كل حاجة فى الدنيا .. انت كل صحابى و حبايبى .. و انت الأمل اللى بعيش بيه و انت النور و الفرحة اللى ف قلبى
زى البنات .. من صغرى برسم بيت معاك
بحلم بيك من زمان أوى أوى .. بحبك و بحب كل حاجة فيك .. و بحب نفسى كل ماتحبنى أكتر
قلبى يادوب ورقة نبات
بتهزنى كل الحاجات المحتاجين حضنك ساعات
من غيرك مش بعرف اعيش .. بحس انى ضعيفة اوى .. نفسى افضل ف حضنك على طول
وساعات كتير بهرب بعييد معاك
بحلم ببكرة جميل معاك .. و بيتنا بيكبر و ولادنا ماليين علينا البيت
و اغرق بين الذكريات
بافتكرك لما بتزعل منى ساعات و أصالحك عشان مش بقدر على خصامك لحظة واحدة .. و افتكرك و انت بتصالحنى لما تغيب عنى شوية وتقلقنى عليك
عارف انا نفسى ف ايه ؟!
عارف انا نفسى ف ايه ؟ .... نفسى ألاقيك
5 comments:
ما كفايه وجع بقي .. بتتكي ليه علي الجراح
عارفه انت
انا نفسي الاقيها
متهيالي نهايه الطريق هاتبقي عندها .. الراحه
لا مش معاك فى " نهاية الطريف عندها "
بداية الطريق عندها .. هى اللى هاتبدأ حياتك بيها
بس معاك فى انها هاتبقى الراحة
نورت البلوج برضه :))
لما قلت الكلام ده فعلا كنت اقصد نهايه الطريق .. لاني فعلا مستنيها ول تبقي نهايه الطريق
بس هي فعلا عندها بدايه الطريق
تحيه :)
ta7ebya kebeera leek walahy :)
betwanesny fel blog el3'er ma2houl belnas da :D
5da3ok fklo .. :D :D
ana maslan nset eny 3amel mokat3a :D
Post a Comment