بحب أكتب عليك دايما
بس مش بعرف اعبر عن كل الحاجات
احاسيس متناقضة كتير
دايما على بالى و بحاول انساك
و "مقدرش انساك"
ساعات بحس انك ملاك
وساعات بحس انك بشر زينا عادى
فيك حاجات مش فى حد إلا فيك
و فيك حاجات موجودة ف كل الناس
بس انت عندى غيرهم كلهم
ساعات بتضايق من فضولك
و كتير نفسى تسألنى عن حاجات
بحب أهزر معاك
و ساعات بضحك مجاملة
بخاف ساعات لتقول عليا هبلة
معايا على طول
و ف نفس الوقت بعيد
وساعات أسأل نفسى انت عايز منى ايه
و ارجع اراجع نفسى
وانا نفسى ماعرفش انا عايزة منك ايه
بحب فيك حاجات كتير
و بتنرفز منك ساعات
بحب دايما اثبتلك حبى
و كتير بثبت اللامبالاة
خليتنى بمشى ف الشارع أكلم نفسى
و لما اجى اكلمك ماعرفش اقولك ايه
انا اتجننت و انت السبب
و ف نفس الوقت برضه مش عارفه لييه
ارجع تانى اقول يا رب
و اقول اذا اردت شيئا بقوة اطلق سراحه
و ألاقيك بترجعلى تانى
بس مابتقولش حاجة
مش فاهمة حاجة
ولا فاهماك
بحبك كتير
و بخاف اوقات
و مش هاقولك بحبك
غير لما اتطمن
و اصدق انى هاقدر اعيش
كل اللى باقى من عمرى مستحملاك
المهم
بحبك .. بس مش قايله
12 comments:
بحبك كتير
و بخاف اوقات
و مش هاقولك بحبك
غير لما اتطمن
و اصدق انى هاقدر اعيش
كل اللى باقى من عمرى مستحملاك
المهم
بحبك .. بس مش قايله
.....
اسمحيلي
يخرب بيت جمال لفظك وعقل
:D :D :D :D :D
شكراااااا
:)))))))
ويمضي العام بعد العام بعد العام
سراب أنتِ في عيني
بقايا من حريق
ثار في دمانا ونام
ويمضي العام بعد العام بعد العام
فلا أنتِ التي كنتِ
ولا أنا فارس الأحلام
جميل ما خط قلمك
أستمري
وتقبلي تحياتي
تقبلت تحياتك :))
و انت كمان استر فى زياراتى :))
وهحط لينك كمان عندي
يلا أي خدمه
:)
thank u soo muxh :)
و اقول اذا اردت شيئا بقوة اطلق سراحه
و ألاقيك بترجعلى تانى
بس مابتقولش حاجة
مش فاهمة حاجة
ولا فاهماك
علا
ارفعلك القبعه
ميرسى اوى يا مها :))
بجد مش عارفة اقول ايه :)))))
مع انى بحب الشتا
بس النهاردة خايفة
نفسى أغمض عينى و أنام
لكنى مش حاسه بالدفا
واحشنى لدرجة مؤلمة
و ايه الجديد
ما انت على طول بعيد
بس ماعرفش ليه
كل ما اسمع الرعد ارتجف
و اشوف البرق اخاف
محتاجة أطمنك و اطمن بيك
ف ليلة شتا
ماخفتش ف عمرى قدها
دس يرضه كلماتك .. بجد بقي
بطلي وجع
:)
tab a3mel eh ya m7md ?
abatal akteb ?!
ههههههههههه
لا طبعا ما تبطليش
واللي يتوجع يتوجع
;)
:) okk
Post a Comment